मुख्यमंत्री विष्णुदेव साय ह जशपुर जिला ल बड़े तोहफा देहे: आधा दर्जन सड़क मन बर 13 करोड़ 63 लाख रूपिया के मंजूरी मिलिस
मुख्यमंत्री विष्णुदेव साय प्रदेश के विकास के काम मन ला तेजी देथें। गाँव के इलाका मन म अच्छा सड़क सुविधा देय के दिशा म ओमन एक अउ बड़े तोहफा दें हवंय। जशपुर जिला म आधा दर्जन ले जियादा सड़क के बनई अउ सुधार खातिर कुल 13 करोड़ 63 लाख रुपिया के लागत ला मंजूरी दे गेय हे। ये सड़क मन के बनई ले हजारों गाँव वाले मन सीधे फायदा पाहीं अउ आवागमन के सुविधा आसान होही।मंजूर सड़क म फरसाटोली ले करवाजोर मार्ग 4 किलोमीटर लंबाई के ये सड़क खातिर 4 करोड़ 30 लाख रुपिया मंजूर कर गे हवय। अइसेच कांसाबेल के जुमाइकेला बाजारडांड ले खेदाटोली मार्ग 2.40 किलोमीटर खातिर लागत 2 करोड़ 53 लाख रुपिया ह मंजूर कर गे हवय।
जड़ासर्वा ले डूमर टोली मार्ग 2 किलोमीटर बनाय बर लागत 2 करोड़ 46 लाख रुपिया के मंजूरी देगे हवय। बूढ़ाडांड ले नवापारा होके सामरबहार मार्ग 2.50 किलोमीटर सड़क बनाय बर लागत 1 करोड़ 97 लाख रुपिया, मुड़ेकेला एनएच ले मुड़ेकेला गोर्रापारा होके सुरेशपुर मार्ग 1.50 किलोमीटर सड़क बनाय बर लागत 1 करोड़ 62 लाख रुपिया, लोकेर के पक्की सड़क ले राईडांड मार्ग बर ये सड़क बर 75 लाख रुपिया मंजूरी मिलिस हे। ये सड़कों के निर्माण ले ना केवल गांव के इलाका मं आवागमन के सुविधा बढ़ही, बल्कि खेती के समान ढोना, बच्चा मन के स्कूल-कॉलेज जाय बर पहुँच, अऊ स्वास्थ्य सुविधा तक पहुँच मं भी आसानी होही। गांव वाले मन मुख्यमंत्री विष्णुदेव साय के आभार जतावत कहिन के ये सड़कों के निर्माण ले लंबे समय ले चले आथे कठिनाई मन दूर होहीं अऊ विकास के नई राह खुलेही।
